Sorprenderíache saber canto aburren os libros sobre vermes á maioría de lectores.» Así comeza este breve tratado natural que, páxina a páxina, introdúcenos no fascinante, e en absoluto aburrido!, mundo das miñocas, uns seres en aparencia insignificantes, ignorados pola ciencia, a cultura, e mesmo pola sociedade. Quizá che sorprenda saber que a miñoca de terra ten unha forma cambiante, que a confunden a miúdo cunha eiruga, que lle apaixona facer galerías subterráneas, come lixo e está indefensa fronte aos seus moitos depredadores, pero, mesmo así, este invertebrado sobreviviu aos dinosauros. Con todo, o dato máis asombroso acerca das miñocas (e por iso é polo que se cadra sexan «desafortunadas») é que, en calquera momento, poden dividirse en dous, e entón a súa vida convértese nunha continua procura da súa verdadeira identidade.